Zəvvarlarımız bu gün ölkəyə qayıdır
![](/upload/files/xeberler/Meneviyyat/2024/06/26/16575573911619723969_1200x630.jpg)
Həcc ziyarəti ilə bağlı Səudiyyə Ərəbistanında olan zəvvarlarımız bu gündən ölkəyə dönür. Zəvvarların ilk qrupunu gətirən təyyarə bu gün yerli vaxtla saat 16:00-da Bakıda olacaq.
Bu barədə TNS-ə Qafqaz Müsəlmanları İdarəsinin (QMİ) Xarici əlaqələr şöbəsinin müdiri Vüsal Cahangiri məlumat verib: “İnşallah bu gün zəvvarlarımızı gətirən ilk təyyarəni yola salacağıq. Allahın izni ilə təyyarənin Bakı vaxtı ilə saat 16:00-da Vətəndə olacağı planlaşdırılır”.
Vüsal Cahangiri zəvvarların dönüşünün iyulun 1-də başa çatacağını qeyd edib.
Qeyd edək ki, bu il Azərbaycandan Həcc ziyarətinə 1500 nəfər gedib.
Zəvvarların ilk qafiləsi iyunun 4-də Səudiyyə Ərəbistanına yollanıb.
Bu il Həcc ziyarətinə gedən zəvvarların ən yaşlısının 84, ən gəncinin isə 11 yaşı var. Onların hər iksi xanımdır.
Aygün