Bu gün Azərbaycan SSR-in Xalq yazıçısı, dramaturq, ictimai xadim Mirzə İbrahimovun doğum günüdür.

Mirzə Əjdər oğlu İbrahimov 1911-ci il oktyabrın 28-də Cənubi Azərbaycanın Sərab şəhəri ya­xın­lı­ğın­da­kı Evə kən­din­də ana­dan olub. 3 ya­şın­da ikən ana­sı­nı itirib. Atası Əj­dər ki­şi iki kör­pə uşa­ğı ilə Ba­kı­ya kö­çüb. 7 yaşında olarkən atasını da itirən Mirzə İbrahimovun həyatında ağır günlər başlayıb.

Ki­çik yaş­la­rın­dan Ba­la­xa­nı və Zab­rat kənd­lə­rin­də muzdur­luq edə­rək çörək pulu qazanıb. 1926-1930-cu illər­də Ba­la­xa­nı fab­rik-za­vod mək­tə­bin­də oxu­yub və işlə­yib. 

Bə­dii ya­ra­dı­cı­lı­ğa Zab­rat fəh­lə ədə­biy­yat dər­nə­yi­nin üzv­lü­yün­dən baş­la­yıb. Azər­bay­can nəs­ri­nin ən gör­kəm­li si­ma­la­rın­dan bi­ri olan Mir­zə İb­ra­hi­mov ilk he­ka­yə və oçerk­lə­ri­ni 30-cu il­lər­də ya­zıb. 1931-ci il­də yaz­dı­ğı  “Zəh­ra” və “Mə­lək” he­ka­yə­lə­ri o il­lə­rin mü­hi­tin­də onu bir ya­zı­çı ki­mi ta­nı­dıb.

Professor Fazil Qaraoğlunun sözlərinə görə, Mir­zə İbrahi­mov bir ya­zı­çı və şəx­siy­yət kimi özün­də bü­töv vətənimi­zi - şi­ma­li və cə­nu­bi Azər­bay­ca­nı­mı­zı ya­şa­dır: “Mir­zə İb­ra­hi­mov üçün o tay­lı-bu tay­lı Azər­bay­can yox, va­hid Azər­bay­can var idi. Mil­yon­la­rın bü­töv­lük di­lə­yi, mən­lik və qü­rur his­si Mir­zə İb­ra­hi­mo­vun ideo­lo­ji görüşlə­rin­də və əsər­lə­rin­də can­lı­lıq qa­za­nıb, xal­qın özünü dər­ket­mə, mil­li və bə­şə­ri dü­şün­cə tər­zi­nin formalaş­ma­sın­da mü­hüm yer tu­tub”.

Mir­zə İb­ra­hi­mov Azər­bay­can Ya­zı­çı­lar İt­ti­fa­qı İda­rə He­yə­ti­nin səd­ri (1946-1954), SSRİ Ya­zı­çı­lar İt­ti­fa­qı İda­rə He­yə­ti­nin ka­ti­bi (1957-1965), Azər­bay­can Respub­li­ka­sı Na­zir­lər So­ve­ti səd­ri­nin müa­vi­ni (1946-1950), Azər­bay­can Res­pub­li­ka­sı Ali So­ve­ti Rə­ya­sət He­yə­ti­nin səd­ri (1954-1958) və­zi­fə­lə­rin­də ça­lı­şıb. Öm­rü­nün sonuna­dək Azər­bay­can Elm­lər Aka­de­mi­ya­sı Ni­za­mi adı­na Ədə­biy­yat İns­ti­tu­tu­nun Cə­nu­bi Azər­bay­can Ədə­biy­yat şö­bə­si­nin mü­di­ri, çox­cild­lik "Azər­bay­can ədə­biy­ya­tı ta­ri­xi"nin re­dak­si­ya he­yə­ti­nin üz­vü olub.

Görkəmli yazıçı “Həyat və ədəbiyyat”, “Gələcək gün” “Böyük dayaq”, “Pərvanə” və digər kitabları ilə ədəbiyyatımızı bir-birindən maraqlı əsərlərlə zənginləşdirib.

O, 1993-cü il de­kabr ayı­nın 17-də Ba­kı­da və­fat edib və Fəxri Xiyabanda dəfn edilib.

Aygün