Ginnesin Rekordlar Kitabına düşən Çin avtomobili- FOTO
“Chery” şirkəti Çində “Fulwin A8L” hibrid sedanını təqdim edib.
TNS xəbər verir ki, bu barədə carnewschina.com məlumat yayıb.
Yeni məhsul enerji və yanacaq doldurmadan 2,3 min kilometr məsafə qət edə bildiyi üçün Ginnesin Rekordlar Kitabına düşüb.
“Fulwin A8L”in uzunluğu versiyadan asılı olaraq 4780 mm və ya 4790 mm, təkər bazası 2790 mm-dir. Salonda, ön paneldə tək displey əvəzinə ayrıca alət və multimedia displeyləri quraşdırılıb - müvafiq olaraq 10,25 və 15,6 düym.
“Chery Fulwin A8L” iki güc aqreqatı seçimi ilə təklif olunur. Birinci versiya 1,5 benzin mühərriki (102 at gücü) və 204 at gücünə malik elektrik mühərriki ilə təchiz edilib. Ümumi güc - 306 at gücü.
Bahalı trim səviyyələrində sedan 1,5 mühərrik (156 at gücü) və eyni 204 at güclü elektrik mühərriki ilə təchiz edilib. Ümumi güc - 360 at gücü.
Çində avtomobilin qiyməti 110 min yuandır (25,669 manat).
