“Çin təqviminə görə, 2025-ci il İlan üzərində təhvil olacaq. İlan qədim mətnlərdə müdriklik və mənəvi, ruhani oyanış simvoludur”.

Bunu TNS-ə astroloq Səbirə Cəfər deyib.

Onun sözlərinə görə, bu ilin numeroloji enerjisi 9 olduğundan 2025-in dünyada oyanış ili olacağı bildirilir: “Ancaq ilə başlamadan öncə bizim dekabr ayında təcrübə edəcəyimiz daha önəmli bir hadisə var. Adətən bir ay ərzində biz yalnızca bir yeni ay və bir dolunay görürük. Ancaq bu ay iki yeniay və bir dolunay müşahidə edəcəyik. Dekabrın 1-də müşahidə etdiyimiz yeni ayı dekabrın 31-də bir daha görəcəyik. Bu da Oğlaq bürcünə təsadüf edəcək”.

Astroloq qeyd edib ki, bir ayda iki yeni ayın görünməsi gələn ilə təsirsiz ötüşməyəcək: “İl Mars retrosu ilə başlayacaq ki, bu da dünyadakı savaşları hərəkətləndirəcək”.

Növbəti ilin şanslı bürclərinə gəlincə, astroloq bildirib ki, ən şanslı bürclər Əkizlər və Xərçəng bürcüdür: “Hər iki bürc altında doğulanlar bu il şans planeti Yupiterin keçidindən nəsibini alacaqlar. Həm şəxsi inkişaf, həm də karyera və status nöqteyi-nəzərindən bu il Əkizlər və Xərçəng bürcü üçün uğurlu olacaq.

Plutonun Dolça keçidi ilə birlikdə əslində Dolçaların da həyatında qlobal bir transformasiya başlayacaq. Burda Şəms Təbrizinin çox gözəl bir fikrini xatırlasaq yaxşı olar: "Qorxma həyatının alt üst olmasından, nə bilirsən, həyatının altının üstündən gözəl olmadığını?"

Dolça bürcü altında dünyaya gələnlər bu ildən etibarən qlobal miqyasda yeniliklərlə üzləşəcəklər.

Saturnun Balıq bürcündən çıxıb Qoç bürcünə keçidi də olcaq. Bu keçid də 30 ildə bir dəfə yaşanır. Bu səbəbdən Qoç bürclərinin də həyatında ötənilki tutulmanın ardından yeni bir sistemin qurulması müşahidə ediləcək.

2025-ci il əsasən, qeyd etdiyim bu bürclərin həyatında önəmli izlər buraxacaq”.

Ayşən Azadova