Texas Universitetinin Cənub-Qərb Tibb Mərkəzinin alimləri müəyyən ediblər ki, məktəbdə yüksək IQ-ya sahib olanların yetkinlik dövründə alkoqolik olma ehtimalı daha yüksəkdir.

TNS xəbər verir ki, araşdırmanın nəticələri “Alcohol and Alcoholism” jurnalında dərc olunub.

Elmi iş 1939-cu ildə anadan olmuş və Viskonsin ştatında orta məktəbi bitirmiş 10 mindən çox insanın intellekt səviyyəsi və həyat vərdişləri haqqında məlumatları əhatə edən Wisconsin Longitudinal Study-nin materiallarına əsaslanıb. Nümunənin müxtəlifliyini artırmaq üçün tədqiqatçılar təsadüfi olaraq 8254 əlavə iştirakçı seçiblər.

Subyektlər üç kateqoriyaya bölünüb: içməyənlər, orta dərəcədə içənlər (qadınlar üçün ayda 1-29 vahid, kişilər üçün 59-a qədər) və çox içənlər (qadınlar üçün ayda 30 vahiddən çox, kişilər üçün isə 60-dan çox). Bundan sonra elm adamları orta məktəbdə könüllülərin IQ səviyyəsinə dair məlumatları təhlil ediblər.

Tədqiqatçılar müəyyən ediblər ki, IQ-da hər bir bal artımı üçün orta və ya ağır spirt istehlakının bildirilmə ehtimalı 1,6% artıb.

Bundan əlavə, alkoqolizm hallarına qadınlarla müqayisədə kişilər arasında daha çox rast gəlinib. Bu da kişilərin riskli içkilərə daha çox meylli olması ilə bağlı digər tədqiqatların nəticələrini təsdiqləyib.