Qlobal maliyyə bazarlarında sabit və etibarlı aktiv kimi tanınan qızıl bu günki ticarət sessiyasında az da olsa dəyər itirib.

TNS xəbər verir ki, mayın 29-da 1 unsiya qızılın qiyməti 3.269,91 dollar olub.

Bu isə əvvəlki günlə müqayisədə 28,31 dollar və ya 0,86 faiz azalma deməkdir. İnvestorlar üçün bu qısamüddətli eniş ilk baxışda narahatlıq doğursa da, ümumi və uzunmüddətli mənzərə olduqca nikbindir.

Əldə olunan statistik göstəricilər qızılın son illərdə dayanıqlı artım dinamikası göstərdiyini ortaya qoyur. Altı aylıq dövrdə qiymətlər 663,51 dollar və ya 25,18 faiz artıb. Daha geniş baxdıqda isə son 1 ildə 954,29 dollar və ya 40,71 faiz, son 5 ildə 1.558,07 dollar və ya 89,54 faiz, son 20 ildə isə 2.878,87 dollar və ya 686,51 faiz artım müşahidə olunub. Bu rəqəmlər qızılın uzunmüddətli investisiya üçün nə qədər etibarlı seçim olduğunu sübut edir.

Qızılın bu cür performansı təkcə iqtisadi amillərlə deyil, geosiyasi gərginliklər və maliyyə bazarlarında qeyri-müəyyənliklərlə də sıx bağlıdır. Belə şəraitdə qızıl təhlükəsiz liman rolunu qorumağa davam edir. 

Qızıl bazarındakı bu enişə baxmayaraq, digər qiymətli metal olan gümüş bugünkü sessiyada müsbət nəticə ilə yadda qalıb. 1 unsiya gümüşün qiyməti 33,23 dollar olub, bu isə 0,19 dollar və ya 0,56 faiz artım deməkdir. Bu dəyişiklik göstərir ki, gümüş investorlar üçün alternativ maraq nöqtəsi olaraq gündəmdə qalmaqdadır.

Ümumilikdə qiymətli metallar bazarında qısamüddətli dəyişikliklər müşahidə olunsa da, uzunmüddətli meyllər güclü artım istiqamətində davam edir. 

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.