Millimiz yarımfinalda
13:14 - 01 May 2025
Azərbaycan minifutbol millisi Slovakiyada keçirilən Millətlər Liqası beynəlxalq turnirində yarımfinala yüksəlib.
TNS xəbər verir ki, A qrupunda yer alan yığmamız iki oyun keçirib.
Əvvəlcə Ukrayna ilə qarşılan komanda 2:2 hesablı heç-heçə edib..
Yığmamız növbəti oyunda meydan sahibləri ilə üz-üzə gəlib. Görüş slovakiyalıların 3:2 hesablı qələbəsi ilə başa çatıb.
Azərbaycan və Ukrayna komandaları eyni xal və top fərqinə malik olsalar da, daha çox qol vurduğuna görə millimiz ikinci yeri tutub və yarımfinala yüksəlib. Yığmamız bu mərhələdə Belçika ilə qarşılaşacaq. Oyun bu gün saat 14:15-də start götürəcək.
