Beyni silkələnən Alissondan yeni xəbər var
15:29 - 03 Aprel 2025
"Liverpul"un qapıçısı Alisson Beker növbəti oyunda da komandasına kömək edə bilməyəcək.
TNS klubun mətbuat xidmətinə istinadla xəbər verir ki, braziliyalı qolkiper millinin düşərgəsində olarkən beyin sarsıntısı keçirib.
İngiltərə Premyer Liqasının 30-cu turunda "Everton"la matçda meydana çıxmayan qapıçı "Fulhem"lə qarşıdan gələn oyunu da buraxacaq. "Fulhem" - "Liverpul" matçı aprelin 6-da keçiriləcək.
Qeyd edək ki, Alisson Beker bu mövsüm "Liverpul"un heyətində meydana çıxdığı 28 matçın 12-də qapısını toxunulmaz saxlayıb.
