Baş məşqçi məhkəmə qarşısına çıxacaq
15:43 - 28 Mart 2025
"Real"ın baş məşqçisi Karlo Ançelotti vergidən yayınma işi ilə bağlı məhkəmə qarşısına çıxacaq.
TNS xəbər verir ki, bu barədə TASS məlumat yayıb.
İtaliyalı mütəxəssis 2014 və 2015-ci illərdə yalnız klubdakı maaşına görə vergi ödəyib. O, əlavə gəlir mənbələri üçün vergi ödəməkdən yayınıb. Borcun ümumi məbləği 1 milyon 62 min avro təşkil edib. Bildirilir ki, Ançelotti 4 il 9 ay müddətinə həbs oluna bilər.
O, aprelin 2-də Madrid məhkəməsinin qarşısına çıxacaq.
Qeyd edək ki, Ançelotti 2021-ci ildən "Real"ı çalışdırır. Mürəxəssis 2013-2015-ci illərdə də bu komandaya baş məşqçilik edib.
