UEFA-dan İsrail klubları ilə bağlı qərar
11:11 - 28 Mart 2025
İsrail klubları avrokubokların növbəti mövsümündə ev oyunlarını neytral meydanda keçirməyə davam edəcəklər.
TNS xəbər verir ki, bu barədə "One" məlumat yayıb.
UEFA ölkədəki müharibə şəraiti səbəbindən artıq İsrail komandalarına xaricdə stadion axtarmağa başlamalı olduqlarını bildirib. Qurum İsrail təmsilçilərindən Avropa yarışlarına vəsiqə qazanacaqları təqdirdə harada oynamaq niyyətində olduqları barədə ilk fürsətdə məlumat verməklərini istəyib.
Cari mövsüm İsraili avrokuboklarda 1 klub təmsil edirdi. Avropa Liqasında çıxış edən “Makkabi" (Təl-Əviv) ev oyunlarını Serbiyanın paytaxtı Belqraddakı "Partizan" stadionunda keçirib.
