Adını "Ginnesin rekordlar kitabı"na yazdırdı
14:53 - 24 Mart 2025
Kirştianu Ronaldoya "Ginnesin rekordlar kitabı"na düşməsi münasibətilə sertifikat təqdim edilib.
TNS "The Times" nəşrinə istinadla xəbər verir ki, bu sertifikat 40 yaşlı hücumçuya UEFA Millətlər Liqasının 1/4 finalı üzrə Portuqaliya - Niderland (5:2) oyunundan öncə verilib.
Belə ki, Serxio Ramosun rekordunu (131) geridə qoyan Kriştianu Ronaldo milli komandada 132-ci qələbəsini qazanıb.
O, bu nailiyyətə 2003-cü ilin avqustundan 2024-cü ilin noyabrına qədər olan müddətdə nail olub. Portuqaliya millisi sonuncu dəfə ötən il noyabrın 16-da Polşanı məğlub edib (5:1). Sözügedən matçda Ronaldu dubla imza atıb.
