"Qarabağ" klubu cərimələndi
13:34 - 30 Yanvar 2025
AFFA İntizam Komitəsi "Qarabağ" klubunu 2000 manat cərimələyib.
TNS xəbər verir ki, bu barədə milli assosiasiyanın rəsmi saytı məlumat yayıb.
Ağdam təmsilçisi Azərbaycan Premyer Liqasının XX turunda "Turan Tovuz"a uduzduğu matçdan sonra AFFA nümayəndəsinin tələblərini yerinə yetirmədiyi üçün ziyana düşüb.
"Neftçi" klubu isə "Liv Bona Dea Arena"da qırılmış 17 oturacağa görə dəymiş zərəri "Araz-Naxçıvan"a ödəməli olacaq. "Ağ-qaralar"ın azarkeşləri həmin stadionda Naxçıvan komandasına 1:2 hesabı ilə uduzduqları matçda oturacaqları sındırıblar.
