"Qarabağ" - FCSB oyununa nə qədər bilet satılıb?
14:00 - 23 Yanvar 2025
Bu gün "Qarabağ" və Rumıniyanın FCSB komandaları arasında keçiriləcək Avropa Liqası matçına indiyədək satılmış biletlərin sayı bəlli olub.
TNS xəbər verir ki, bu barədə klubun mətbuat xidmətindən bildirilib.
Qeyd olunub ki, qarşılaşma üçün 15 min civarında bilet alınıb.
Qeyd edək ki, Tofiq Bəhramov adına Respublika stadionunda keçiriləcək görüş saat 21:45-də start götürəcək. Ağdam təmsilçisinin fəxri prezidenti Abdolbari Gozalın vəfatı ilə bağlı qarşılaşma bir dəqiqəlik sükutla başlayacaq. "Köhlən atlar"ın oyunçuları meydana qara sarğı ilə çıxacaqlar.
