“Həm klub, həm də Azərbaycan futbolu üçün böyük itkidir”
13:48 - 22 Yanvar 2025
“Qarabağ”ın baş məşqçisi Qurban Qurbanov klubun sahibi Abdolbari Gozalın vəfatından danışıb.
TNS xəbər verir ki, baş məşqçi bu itkinin klubda üzüntü yaratdığını bildirib.
“Ağır itkidir. Həm klub, həm də Azərbaycan futbolu üçün böyük itkidir. Mənim üzərimdə də əməyi var. O elə bir adam idi ki, hər şeyi düşünərək edirdi.
O insan bizim uğurlarımız üçün çox şey edirdi. Klub daxilində üzüntü var. Çalışırıq ki, futbolçuları oyuna hazırlayaq. Amma bu itki təbii ki, ağırdır və üzərimizdən atmaq çətin olacaq”, - Q.Qurbanov vurğulayıb.
