Dünyada ən çox maaş alan futbolçu kimdir?
15:30 - 18 Yanvar 2025
"GiveMeSport" dünyanın ən yüksək maaş alan futbolçularının reytinqini dərc edib.
TNS xəbər verir ki, siyahıya "Ən-Nəsr" klubunun hücumçusu Kriştianu Ronaldu başçılıq edir. O, ildə 218 milyon funt-sterlinq qazanır.
Reytinqdə ikinci yerdə "Qızıl top"un səkkizqat sahibi, "İnter Mayami"nin ulduzu Lionel Messidir. Onun maaşı 103 milyon funt-sterlinqdir. Üçüncü yeri isə "Əl-Hilal"ın üzvü Neymar (84,31 milyon funt-sterlinq) tutur.
İlk onluqda, həmçinin, Kərim Benzema, Kilian Mbappe, Erlinq Holand, Vinisius Junior, Məhəmməd Salah, Sadio Mane və Kevin de Bruyne kimi ulduzlar yer alıblar.
