La Liqa təmsilçisinin qapıçısı Portuqaliya klubuna keçdi
19:53 - 14 Yanvar 2025
Portuqaliya təmsilçisi "Sportinq" İspaniyanın "Betis" komandasının qapıçısı Ruy Silvanı heyətinə qatıb.
TNS xəbər verir ki, bu barədə La Liqa klubunun mətbuat xidməti məlumat yayıb.
30 yaşlı qolkiper cari mövsümün sonuna qədər lissabonluların şərəfini qoruyacaq.
Qeyd edək ki, R.Silva cari mövsüm "Betis"in heyətində 17 qarşılaşmada meydana çıxıb və 18 qol buraxıb. O, 6 matçda qapısının toxunulmazlığını qoruyub.
