Olavio Juninyonun "Flamenqo"ya keçidi tamamlandı - FOTO
10:15 - 14 Yanvar 2025
"Qarabağ"dan ayrılaraq Braziliyanın "Flamenqo" komandasına keçən Juninyo Rio-de-Janeyro şəhərinə çatıb.
TNS xəbər verir ki, "Flamenqo" forması ilə şəkil çəkdirən 28 yaşlı hücumçu A Seriyası təmsilçisinə gəldiyi üçün çox xoşbəxt olduğunu bildirib.
Juninyonun həyat yoldaşı Vivian Azərbaycana və Ağdam klubuna təşəkkür edib.
O bu barədə sosial şəbəkə hesabında paylaşım edib.
"Bizi qarşıladığınız və günlərimizi xoşbəxt etdiyiniz üçün təşəkkür edirik. Gözəl hekayə idi. Sonsuz minnətdarıq. "Qarabağ", inanılmazsan. Dünyadakı bütün uğurları bu kluba arzulayıram", - deyə Vivian bildirib.
Qeyd edək ki, "Qarabağ" Juninyonun keçidindən 5 milyon avro qazanc əldə edəcək. O, Ağdam təmsilçisinin heyətində 80 oyunda 42 qol və 4 məhsuldar ötürmə ilə yadda qalıb.
