"Mançester Yunayted" - "Arsenal" oyununda 8 qol vuruldu
22:55 - 12 Yanvar 2025
"Mançester Yunayted" İngiltərə Kubokunun üçüncü mərhələsində "Arsenal"ı penaltilər seriyasında məğlub edib.
TNS xəbər verir ki, oyun Londonda baş tutub.
Əsas vaxt və iki əlavə hissə 1:1 hesabı ilə başa çatıb. "Arsenal"ın heyətində Qabriel (63-cü dəqiqə), "Mançester Yunayted"in heyətində Bruno Fernandes (52) fərqlənib. Penaltilər seriyasında “Mançester”in futbolçuları daha dəqiq olub - 5:3.
61-ci dəqiqədə qonaqların müdafiəçisi Dioqo Dalot ikinci sarı vərəqə alaraq meydandan qovulub. 72-ci dəqiqədə “Mançester Yunayted”in qapıçısı Altay Bayındır “Arsenal”ın yarımmüdafiəçisi Martin Edeqorun yerinə yetirdiyi penalti zərbəsini dəf edib.
"Mançester Yunayted"in 4-cü turdakı rəqibi keçiriləcək püşkatma ilə müəyyənləşəcək.
