“Qalatasaray" öz meydanında çətin qələbə qazandı
22:40 - 04 Yanvar 2025
Türkiyə Super Liqasında XVIII tur davam edir.
TNS xəbər verir ki, bu gün daha 3 matç baş tutub.
Lider "Qalatasaray" da növbəti oyununa çıxıb. Komanda "Göztepe"ni qəbul edib.
Görüşdə hesabı meydan sahibləri açıb. Viktor Osimhen penaltini dəqiq yerinə yetirib. Lakin çox keçmədən qonaqlar hesabı bərabərləşdirməyi bacarıblar. Romulo Kardozo komandasını sevindirib.
Matçın ikinci yarısında "sarı-qırmızılar" yenidən önə keçiblər. Yunus Akgün "Cimbom"a qələbə qazandıran topun müəllifi olub - 2:1.
Arda Turanın rəhbərlik etdiyi "Eyüpspor" isə "Antalyaspor"la qarşılaşıb. "Sarı-bənövşəyilər" səfərdən darmadağınla dönüblər - 4:1.
Türkiyə Super Liqası
XVIII tur
"Qalatasaray" - "Göztepe" 2:1
"Adana Demirspor" - "Başakşehir" 0:1
"Antalyaspor" - "Eyüpspor" 1:4
