Premyer Liqanın XVIII turunda "Zirə" "Səbail"i məğlub edib
21:20 - 21 Dekabr 2024
Misli Premyer Liqasının XVIII turunda "Zirə" komandası səfərdə "Səbail"i məğlub edib.
TNS xəbər verir ki, "ASCO Arena"da baş tutan görüş qonaqların 1:0 hesablı qələbəsi ilə yekunlaşıb.
"Zirə"nin heyətində 77-ci dəqiqədə Giorgi Papunaşvili fərqlənib.
Hazırda Rəşad Sadıqovun baş məşqçisi olduğu komanda turnir cədvəlində 30 xalla dördüncüdür. Sonuncu - onuncu olan “Səbail”in isə 9 xalı var.
Qeyd edək ki, XVIII turun bu gün baş tutan "Turan Tovuz" - "Neftçi" matçı heç-heçə nəticələnib - 1:1. Ötən gün keçirilən “Kəpəz” - “Sumqayıt” görüşündə isə qol vurulmayıb. XVIII tura sabah “Şamaxı” - “Sabah” və “Qarabağ” - “Araz-Naxçıvan” oyunları ilə yekun vurulacaq.
