30 yaşdan sonra 450 qol
18:55 - 26 Noyabr 2024
Portuqaliya millisinin və Səudiyyə Ərəbistanının “Əl-Nəsr” klubunun hücumçusu Kriştiano Ronaldo unikal göstəriciyə imza atıb.
TNS xəbər verir ki, 39 yaşlı futbolçu buna Asiya Çempionlar Liqasının 5-ci turunda “Əl-Qarafa” (Qətər) ilə oyunda (3:1) dubl edərək nail olub.
Ronaldo 30 yaşından sonra vurduğu qollarının sayını 450-ə çatdırıb. Onun futbolçu karyerası ərzində ümumi qol sayı isə 913-ə çatıb.
Qeyd edək ki, bu mövsüm Ronaldo “Əl-Nəsr”in heyətində 15 oyun keçirib, 12 qol vurub və iki məhsuldar ötürmə edib. Onun Səudiyyə Ərəbistanı klubu ilə müqaviləsi 2025-ci ilin iyununa qədərdir.
