"Beşiktaş" UEFA Avropa Liqasında qələbə qazanıb
21:53 - 06 Noyabr 2024
Türkiyənin "Beşiktaş" klubu UEFA Avropa Liqasında qələbə qazanıb.
TNS-in məlumatına görə, İstanbul təmsilçisi İsveçin "Malmö" kollektivinə 2:1 hesabı ilə qalib gəlib.
"Ağ-qaralar"ın heyətində 76-cı dəqiqədə Ernest Muci, 9 dəqiqə sonra isə Semih Kılıçsoy fərqlənib.
"Malmö"nün yeganə qoluna isə 90+5-ci dəqiqədə Soren Rieks imza atıb.
Qeyd edək ki, IV turun digər görüşləri noyabrın 7-də gerçəkləşəcək.
