AFFA Çempionlar Liqasının final oyununun Bakıda keçirilməsi üçün UEFA-ya müraciət edib - RƏSMİ
15:13 - 23 Oktyabr 2024
AFFA 2027-ci ildə Çempionlar Liqasının final oyununa evsahibliyi üçün UEFA-ya müraciət edib.
Bu barədə TNS-ə milli assosiasiyanın mətbuat xidmətindən məlumat verilib.
Bildirilib ki, qitənin bir nömrəli klub turnirinin həlledici matçının Bakı Olimpiya Stadionunda (BOS) keçirilməsi üçün Avropa futbol qurumuna rəsmi müraciət ünvanlanıb.
UEFA-nın yaydığı məlumata görə, BOS-la yanaşı, İspaniyanın Madrid şəhərində yerləşən "Metropolitano" stadionu da final oyununa evsahibliyi etməyə namizədliyini irəli sürüb.
Qeyd edək ki, bu mövsüm Çempionlar Liqasının finalı görüşü Almaniyanın Münhen şəhərində keçiriləcək.
