“Qarabağ” “Neftçi”ni böyük hesabla məğlub edib
22:06 - 20 Sentyabr 2024
Bu gün Misli Premyer Liqasının VII turu çərçivəsində "Qarabağ" komandası "Neftçi"ni qəbul edib.
TNS xəbər verir ki, "Azersun Arena"da keçirilən görüşdə Ağdam təmsilçisi 4:0 hesabı ilə qalib gəlib.
Matçın 18-ci dəqiqəsində "Neftçi"nin heyətində Robert Bauer avtoqol müəllifi olub.
Qarşılaşmanın 29-cu dəqiqəsində Olavio Juninyo hesabda fərqi artırıb.
Görüşün 45+3-cü dəqiqəsində Yassin Benzia top fərqini üçə çatdırıb.
90+1-ci dəqiqədə isə Leandro Andrade adını tabloya yazdırıb.
Bununla da “Qarabağ” 3 xalı 4 cavabsız qolla qazanıb.
