Paris-2024: Azərbaycan medal sıralamasında 15-ci yerdədir
10:40 - 02 Avqust 2024
Azərbaycan Paris - 2024 Yay Olimpiya Oyunlarında medal sıralamasında 15-ci pilləyə yüksəlib.
TNS xəbər verir ki, bu, 100 kq çəki dərəcəsində yarışan cüdoçumuz Zelim Kotsoyevin qızıl mükafat əldə etməsi ilə mümkün olub.
Daha əvvəl digər cüdoçumuz Hidayət Heydərov da (73 kq) olimpiya çempionu adını qazanıb.
Boksçu Alfonso Dominqes (92 kq) yarımfinala yüksəlməklə ən azı bürünc medalı təmin edib. O, mübarizəyə davam etdiyi üçün mükafat cədvəldə göstərilməyib.
İlk "üçlük"də Çin (11 qızıl, 7 gümüş, 6 bürünc), ABŞ (9 qızıl, 15 gümüş, 13 bürünc) və Fransadır (8 qızıl, 11 gümüş, 8 bürünc).
