UEFA Konfrans Liqası: "Sumqayıt" Macarıstan klubuna məğlub olub
24
22:00 - 25 İyul 2024
![](/upload/files/xeberler/dman/2024/07/25/17219301194062617461_1200x630.jpg)
UEFA Konfrans Liqasının II təsnifat mərhələsinin ilk oyunları çərçivəsində keçirilən "Sumqayıt" - "Fehervar" matçı başa çatıb.
TNS xəbər verir ki, qarşılaşma Macarıstan klubunun 2:1 hesablı qələbəsi ilə yekunlaşıb.
"Sumqayıt"ın heyətində 20-ci dəqiqədə Səbuhi Abdullazadə fərqlənib. "Fehervar"dan Tobias Kristensen 39-cu dəqiqədə bərabərliyi təmin edib. 52-ci dəqiqədə Ksaba Spandler komandasının ikinci qolunu vurub.
Meydan sahiblərindən Murad Xaçayev qırmızı vərəqə ilə cəzalanıb.
Qeyd edək ki, "Sumqayıt"la "Fehervar" arasında cavab görüşü iyulun 31-də Macarıstanda baş tutacaq.