Messi meydana nə vaxt qayıdır?
10:01 - 02 Oktyabr 2023
“İnter Mayami”nin futbolçusu Lionel Messinin meydanlara qayıdacağı vaxt müəyyənləşib.
TNS ABŞ mətbuatına istinadən xəbər verir ki, bir müddətdir zədədən əziyyət çəkən 36 yaşlı hücumçu oktyabrın 8-də MLS çərçivəsində keçiriləcək “Çinçinnati” ilə görüşdə meydana çıxa bilər. Argentinalı forvard oktyabrın 5-də baş tutacaq "Çikaqo Fayr"la qarşılaşmanı tribunadan izləyəcəyi dəqiqdir.
Qeyd edək ki, Messi zədə səbəbindən "İnter Mayami"nin son üç oyununu, o cümlədən ABŞ Açıq Kubokunun finalında “Hyuston Dinamo”ya uduzduqları matçı buraxıb.
