Müdafiə Nazirliyi əhaliyə çağırış etdi - FOTO
11:36 - 17 Yanvar 2025
İstismar müddəti başa çatmış və istifadəyə yararsız olan döyüş sursatlarının təhlükəsizlik qaydalarına riayət olunmaqla Goran Təlim Mərkəzində 17 yanvar 2025-ci il tarixində məhv edilmə prosesi davam edir.
Bu barədə TNS-ə Müdafiə Nazirliyinin mətbuat xidmətindən məlumat verilib.
"Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq", - nazirliyin yaydığı məlumatda bildirilib.
Qeyd edək ki, 15-16 yanvar tarixlərində də istismar müddəti başa çatmış və istifadəyə yararsız olan döyüş sursatlarının Goran Təlim Mərkəzində məhv edilmə prosesi həyata keçirilib.
