Bakıda mağaza yandı
19:07 - 13 Aprel 2025
Bakıda mağazada yanğın olub.
Bu barədə TNS-ə Fövqəladə Hallar Nazirliyindən məlumat verilib.
Bakı şəhərinin Xətai rayonunda çoxmərtəbəli yaşayış binasının birinci mərtəbəsində yerləşən mağazaya bitişik, ümumi sahəsi 8 m² olan dəmir konstruksiyalardan ibarət tikilinin içərisində quraşdırılan generator və karton taralar yanıb.
Yüksək temperaturdan marketin lambirdən ibarət divar üzlüyü 40 m² sahədə əriyib. Marketin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
