Həbsdə olan oğlunu azad edəcəyini demişdi, saxlanıldı
14:08 - 02 Aprel 2025
Həbsdə olan oğlunu azad etmək adı ilə şəxsdən 16 min manat ələ keçirməkdə ittiham olunan Mingəçevir sakini tutulub.
TNS-in yerli müxbiri xəbər verir ki, Mingəçevir Şəhər Polis Şöbəsinin əməkdaşlarının daxil olmuş müraciət əsasında dələduzluq edən 44 yaşlı Vüqar İdrisov saxlanılıb.
Məlum olub ki, o, azadlıqdan məhrum edilmiş şəxsi həbsdən azad etdirəcəyinə dair yalan vədlər verərək zərərçəkmişin 16 min manat pulunu ələ keçirib.
Faktla bağlı cinayət işi başlanılıb, məhkəmənin qərarı ilə həmin şəxs barəsində həbs qətimkan tədbiri seçilib. V. İdrisovun qanunsuz əməllərindən zərər görən digər vətəndaşlar olarsa polis orqanlarına məlumat verə bilərlər.
Ziya Əmirxanlı
