Ağsuda yeniyetməni bıçaqlayanlar tutuldu
10:19 - 22 Fevral 2025
Fevralın 21-i saat 22 radələrində Ağsu şəhərində bıçaqlanma hadisəsi baş verib.
DİN-in Mətbuat Xidmətindən TNS-ə bildirilib ki, münaqişə zəminində şəhər sakini 2009-cu il təvəllüdlü M. Əliyevin qol və qarın nahiyəsinə bıçaqla xəsarət yetirilib.
Əməli törətməkdə şübhəli bilinən Rüfət İbrahimov və bir yeniyetmə saxlanılıb.
Müvafiq ekspertiza təyin olunub, araşdırmalar davam etdirilir.
