150 min manat mənimsədi, 7 il həbs cəzası aldı
16:47 - 21 Yanvar 2025
Bakı Ağır Cinayətlər Məhkəməsində dələduzluqda təqsirləndirilən Nofəl Musayevin cinayət işi üzrə məhkəmə prosesi başa çatıb.
TNS-in məlumatına görə, prosesdə məhkəmə istintaqı yekunlaşıb və təqsirləndirilən şəxsə hökm oxunub.
Məhkəmənin hökmü ilə N. Musayev 7 il azadlıqdan məhrum edilib.
İttihama görə, N. Musayev Bakıda vətəndaşların etimadından sui-istifadə edərək külli miqdarda dələduzluqda ittiham olunur. Təqsirləndirilən şəxs özünü vəzifəli şəxs kimi təqdim etməklə ayrı-ayrı şəxslərdən pul alaraq onlara müxtəlif vədlər verib. O, ümumilikdə 150 min manata yaxın məbləği dələduzluq yolu ilə mənimsəyib.
Ona qarşı Cinayət Məcəlləsinin 178-ci (dələduzluq) maddəsi ilə ittiham elan olunub.
