Sumqayıtda yataqxana yanır, sakinlər təxliyyə edildi - FOTO
10:24 - 21 Yanvar 2025
Sumqayıt şəhərində yataqxanada yanğın başlayıb.
TNS-in hadisə yerində olan müxbirinin məlumatına görə, hadisə şəhərin Koroğlu küçəsindəki 1 saylı yataqxanada baş verib. Yataqxananın dəhlizində bir neçə elektrik sayğacında qəfil qısaqapanma baş verib və nəticədə yataqxanada yanğın başlayıb.
Hadisə yerinə Fövqəladə Hallar Nazirliyinin əməkdaşları cəlb edilib. Yataqxanadan 5-i azyaşlı olmaqla 11 nəfər təxliyyə edilib. Hadisə zamanı bir nəfər sakin, 1993-cü il təvəllüdlü qadın tüstüdən zəhərlənib. O, təcili tibbi yardım briqadasına təhvil verilib.
Əlaqəli xəbərlər
13:32
21 Yanvar 2025
11:10
21 Yanvar 2025
