Nəzrinin komaya düşməsi ilə əlaqədar yoxlama başladı
13:25 - 10 Yanvar 2025
Burun əməliyyatı etdirən 30 yaşlı Nəzrin Mansurovanın komaya düşməsi barədə Səhiyyə Nazirliyi Analitik Ekspertiza Mərkəzində (AEM) yoxlama başlanılıb.
TNS xəbər verir ki, bu barədə Report-a AEM-dən bildirilib.
"Baş vermiş faktın araşdırılması ilə bağlı göstəriş verilib. Səhiyyə Nazirliyi Analitik Ekspertiza Mərkəzi tərəfindən keçirilən yoxlama başa çatdıqdan sonra nəticəsi barədə məlumat veriləcək", - məlumatda qeyd olunub.
Qeyd edək ki, burun çəpərindəki əyriliyi aradan qaldırmaq üçün əməliyyata girən N.Mansurova sonradan komaya düşüb. İddia olunur ki, onun beyninə çirk yayılıb.
