Cəbrayılda ağır qəza, ölən və xəsarət alanlar var
11:16 - 09 Yanvar 2025
Cəbrayılda ölümlə nəticələnən yol nəqliyyat hadisəsi baş verib.
TNS xəbər verir ki, hadisə rayonun Karxulu kəndi ərazisində qeydə alınıb.
"Mitsubishi" markalı avtomobil hərəkətdə olan zaman idarəetməni itirərək aşıb. Hadisə nəticəsində iki nəfər müxtəlif dərəcəli bədən xəsarətləri alıb, bir nəfər isə həyatın itirib.
Qəza nəticəsində həyatın itirən 1981-ci il təvəllüdlü Nicat Ağayevin Lənkəran sakini olduğu bildirilir. Mərhum ehtiyatda olan hərbi qulluqçu olub. O, 44 günlük Vətən müharibəsi iştirak edib və bir sıra medallarla təltif olunub.
Hadisə ilə bağlı faktı DİN-nin mətbuat xidmətinin Qarabağ regional mətbuat qrupundan da təsdiqləyiblər.
Faktla bağlı Cəbrayıl rayon polis şöbəsində araşdırma başlanılıb.
