Xaçmazda zəncirvarı qəza oldu, yaralanan var
12:54 - 27 Dekabr 2024
Xaçmaz şəhərinin Nəriman Nərimanov küçəsində 6 avtomobilin iştirakı ilə zəncirvarı yol-nəqliyyat hadisəsi baş verib.
TNS xəbər verir ki, hərəkətdə olan "BMW" markalı minik avtomobili qarşı zolağda hərəkət edən və yol kənarında dayanan avtomobillərə çırpılıb.
Hadisə zamanı xəsarət alan 1 nəfər Xaçmaz Mərkəzi Rayon Xəstəxanasına yerləşdirilib. Qəza zamanı nəqliyyat vasitələrinə ciddi ziyan dəyib.
Faktla bağlı araşdırma aparılır.
