Yaralılar Bakıya yola salındı - ÖZƏL
16:33 - 26 Dekabr 2024
Bakı-Qroznı təyyarəsinin qəzaya uğraması nəticəsində yaralanan azərbaycanlılar Aktau hava limanından Bakıya göndərilib.
TNS-in əldə etdiyi məlumata görə, 14 yaralı hava limanına gətirilib, xüsusi reyslə Azərbaycana yola salınıb.
Qeyd edək ki, dekabrın 25-də Bakı-Qroznı reysi üzrə hərəkət edən təyyarə Aktau hava limanı yaxınlığında qəzaya uğrayıb. Qəza zamanı təyyarədə 62 sərnişin, 5 ekipaj üzvü olub. Hadisə nəticəsində 38 nəfər həlak olub, 29 nəfər xəsarət alıb. Ölənlərin 26, yaralıların isə 14 nəfəri Azərbaycan vətəndaşıdır.
