İtkin düşmüş şəxsin meyiti transformatorda tapıldı
10:26 - 20 Dekabr 2024
İmişlidə itkin düşmüş şəxsin meyiti tapılıb.
TNS “Qafqazinfo”ya istinadla xəbər verir ki, rayonun Oruclu kənd sakini 59 yaşlı Şükürov Rasim Pəsi oğlu dekabrın 18-i saat 08 radələrində yaşadığı evdən çıxıb və bir daha geri qayıtmayıb.
Onun yaxınları polisə müraciət edərək, R.Şükürovun itkin düşməsi barədə məlumat verib və axtarışlara başlanılıb.
Dekabrın 19-da Rasim Şükürovun meyiti kənd ərazisində yerləşən transformatorda tapılıb.
Onun cərəyan vurmasından öldüyü bildirilir.
Faktla bağlı araşdırma aparılır.
