Bakıda restoranda yanğın oldu
17:00 - 04 Noyabr 2024
Bakının Nərimanov rayonu ərazisində restoranda yanğın olub.
TNS xəbər verir ki, hadisə Atatürk prospektində yerləşən restoranda qeydə alınıb.
Hadisə yerinə yanğınsöndürənlər cəlb olunub.
Nazirliyin “112” qaynar telefon xəttinə Bakı şəhəri, Nərimanov rayonunun ərazisində ictimai iaşə obyektində yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
İaşə obyektinin havalandırma qurğusunda yanan yağ qalıqları yanğınsöndürənlər tərəfindən qısa müddətdə söndürülüb.
