Bakıda məktəbin hasarı uçdu, tədris müvəqqəti dayandırıldı
12:20 - 22 Oktyabr 2024
Azərbaycanda müşahidə edilən yağıntılı hava şəraiti səbəbindən Bakının 123 nömrəli tam orta məktəbinin həyətyanı ərazisini əhatə edən hasarın bir hissəsi uçub.
Bu barədə TNS-ə məktəbdən məlumat verilib.
Bildirilib ki, məsələ ilə bağlı dərhal müvafiq qurumlara müraciət edilib:
"Hadisə nəticəsində xəsarət alan olmayıb. Hadisənin nəticələrinin aradan qaldırılması istiqamətində operativ tədbirlər həyata keçirilir. Oktyabrın 22-də məktəbdə tədris prosesi müvəqqəti olaraq dayandırılıb",- deyə məlumatda qeyd edilib.
