Vətən müharibəsi iştirakçısı dünyasını dəyişdi
00:40 - 08 Oktyabr 2024
Vətən müharibəsi iştirakçısı işlədiyi yerdə yıxılaraq ölüb.
TNS xəbər verir ki, hadisə Lənkəran rayonunun Bəlləbur kəndində baş verib.
Belə ki, kənd sakini 1993-cü il təvəllüdlü Elgün Rza oğlu Rzazadə işlədiyi emalatxanada yıxılıb.
O, dərhal Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub.
Vəziyyəti ağır olan E. Rzazadə reanimasiya şöbəsinə yerləşdirilib. Həkimlərin səylərinə baxmayaraq onun həyatını xilas etmək mümkün olmayıb.
Qeyd edək ki, həyatını itirən Elgün Rzazadə Vətən müharibəsi iştirakçısı olub və Şuşa uğurunda gedən döyüşlərdə iştirak edib. Döyüşlərdə göstərdiyi şücaətə görə medalla təltif olunub.
Faktla bağlı araşdırma aparılır.
