Qadının baldızı tərəfindən döyülməsi iddiası araşdırılır
266
22:10 - 07 Oktyabr 2024
Üç övladı olan ananın baldızı tərəfindən amansızcasına döyülməsi iddiası ilə bağlı araşdırmalara başlanılıb.
Bu barədə TNS-ə Daxili İşlər Nazirliyinin Mətbuat xidmətindən məlumat verilib.
Bildirilib ki, hadisə Şəmkir rayonu ərazisində qeydə alınıb:
"Məsələ ilə bağlı Şəmkir Rayon Polis Şöbəsində araşdırmalara başlanılıb. Zərərçəkənin xəsarətlərinin dərəcəsinin müəyyən edilməsi məqsədi ilə ekspertiza təyin olunub. Ekspert rəyinin nəticəsindən asılı olaraq hadisəyə hüquqi qiymət veriləcək", - məlumatda qeyd olunub.