Xızıda kanalda meyiti tapılan şəxsin kimliyi məlum olub
349
17:49 - 07 Oktyabr 2024
Sentyabrın 30-da Samur-Abşeron kanalının Xızı rayonu ərazisindən keçən hissəsində meyiti tapılan şəxsin kimliyi müəyyənləşib.
TNS-in məlumatına görə, meyit sudan çıxarılarkən tanınmaz halda olduğundan DNT analizi götürülüb.
Meyiti tapılan şəxsin sentyabrın 6-da itkin düşən Siyəzən şəhər sakini, 22 yaşlı Mahmud Məlikov olduğu təsdiqlənib.
Bu barədə M. Məlikovun yaxınları məlumat verib. Bildirilib ki, meyit dəfn üçün sabah ailəsinə təhvil veriləcək.
Faktla bağlı araşdırmalar davam etdirilir.