Gəncədə yas mərasimində zəhərlənənlərin sayı 111 nəfərə çatıb – YENİLƏNİB
Gəncədə yas mərasimində zəhərlənənlərin sayı 111-ə çatıb.
TNS xəbər verir ki, zəhərlənənlər xəstəxanaya yerləşdirilib.
20:54
Gəncədə yas mərasimində zəhərlənənlərin sayı artıb.
TNS-in məlumatına görə, Gəncə Şəhər Birləşmiş Xəstəxanasının nəzdində olan Abbas Səhhət adına xəstəxanaya 83 nəfər, Z.Məmmədov adına 3 nömrəli xəstəxanaya isə 13 nəfər yerləşdirilib. Digər doqquz zərərçəkən isə Göygöl Rayon Mərkəzi Xəstəxanasına yerləşdirilib.
Hazırda onlara zəruri tibbi xidmətlər göstərilir.
Əlavə məlumat veriləcək.
Faktla bağlı araşdırma davam etdirilir.
19:40
Gəncədə yas mərasimində zəhərlənənlərin sayı artıb.
TNS-in məlumatına görə, mərasimin 75 iştirakçısı xəstəxanaya çatdırılıb.
Zərərçəkənlərə tibbi yardım göstərilir, onların əksəriyyətinin vəziyyəti kafi və qənaətbəxş hesab edilir.
Faktla bağlı araşdırma davam etdirilir.
18:41
Gəncədə yas mərasimində kütləvi zəhərlənmə baş verib.
TNS xəbər verir ki, hadisə zamanı 40-dan çox insan qidadan zəhərlənib.
