Təcili yardım avtomobili zəncirvarı qəzaya düşüb
27
11:20 - 07 İyul 2024
Quba şəhərində zəncirvarı yol nəqliyyat hadisəsi baş verib.
TNS xəbər verir ki, hadisə Heydər Əliyev prospekti ilə Memar Əcəmi küçələrinin kəsişməsində baş verib.
İki "Mercedes" markalı avtomobil və TƏBİB-ə məxsus təcili tibbi yardım avtomobili toqquşub. Hadisə zamanı xəsarət alan olmasa da, nəqliyyat vasitələrinə ciddi ziyan dəyib.
Qəzaya səbəb kimi elektrik enerjisinin kəsilməsi nəticəsində işıqforun işləməməsi göstərilir.
Faktla bağlı araşdırma aparılır.