Zaqatalada minik avtomobilləri toqquşub, xəsarət alanlar var
13:15 - 19 Sentyabr 2023
Zaqatalada minik avtomobilləri toqquşub.
TNS xəbər verir ki, hadisə saat 11 radələrində Yevlax-Zaqatala-Gürcüstan sərhəd magistiral yolunun “Naib bulaq” adlanan ərazisindən keçən hissəsində baş verib. İki minik avtomobilinin toqquşması nəticəsində iki nəfər Çobankol sakini xəsarət alıb. Yaralılar Zaqatala Rayon Mərkəzi Xəstəxanasına (RMX) yerləşdiriliblər. Hazırda yaralıların müayinəsi aparılır, şəxsiyyətləri dəqiqləşdirilir.
Faktla bağlı araşdırma aparılır.
