Oğlunun oğurlanması xəbərinə deputatdan - Açıqlama
16:55 - 03 Oktyabr 2022
“Kimlərsə sosial şəbəkələrdə yazır ki, guya Türkiyədə mənim oğlumu oğurlayıblar və 5 milyon müqabilində buraxılıb. Tamamilə yalan məlumatdır. Belə bir söhbət yoxdur”.
TNS xəbər verir ki, bunu Gununsesi.info-ya açıqlamasında Milli Məclisin deputatı Əhliman Əmiraslanov oğlunun Türkiyədə oğurlanması barədə iddialara münasibətində deyib. Onun sözlərinə görə, ölkədə olmadığından bu barədə yaxınlarından eşidib.
Xatırladaq ki, yayılan məlumata görə, Türkiyədə biznes şəbəkəsi olan Azər Əmiraslanovun buraxılması üçün 10 milyon dollar tələb olunub. Danışıqların nəticəsi olaraq deputat oğlunun sərbəst buraxılması qarşılığında 5 milyon dollarından keçməli olub.
