Təyyarə qəzasında xəsarət alan Azərbaycan vətəndaşlarının son vəziyyəti açıqlandı
17:03 - 27 Dekabr 2024
"Bir nəfər xəstəyə sabah osteosintez əməliyyatı icra ediləcək".
TNS xəbər verir ki, bunu Yeni Klinikanın baş həkimi Eldar Əhmədov jurnalistlərə açıqlamasında deyib.
"Dünən klinkaya 7 radələrində 14 xəstə daxil olub. Xəstələr gələndə neyrocərrahi, travmatoloji briqada hazır gözləyirdi. Yeni Klinikada müalicə alan xəstələrdən bir nəfərin vəziyyəti hazırda ağır, digər bir nəfərin vəziyyəti isə orta ağır qiymətləndirilir. Xəstələrdə bədənin müxtəlif küt trvmaları, sümük sınıqları, bir xəstəyə baldır sümüyünün açıq-qəlpəli sınığı diaqnozu qoyulub. Sabah osteosintez əməliyyatına alınacaq", - o qeyd edib.
Xatırladaq ki, Yeni Klinikaya gətirilmiş 14 xəstədən 13-ü palata şəraitində, biri isə reanimasiyada müalicə alır.
