Prezident İlham Əliyev Rusiyada belə qarşılandı
Xəbər verdiyimiz kimi, Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinin dəvəti ilə XVI BRICS Sammitinin “Outreach” / “BRICS+” formatında iştirak etmək üçün oktyabrın 23-də Rusiya Federasiyasının Tatarıstan Respublikasının paytaxtı Kazan şəhərinə səfərə gedib.
Dövlətimizin başçısının təyyarəsini Kazan Beynəlxalq Hava Limanına enərkən hərbi helikopterlər müşayiət edib.
Bu, Prezident İlham Əliyevə Rusiyada göstərilən yüksək diqqətin və ehtiramın göstəricisidir.
Xatırladaq ki, Prezident İlham Əliyevin bu ilin iyul ayında Pakistan İslam Respublikasına dövlət səfəri zamanı Azərbaycan Prezidentinə xüsusi hörmət əlaməti olaraq dövlət başçısının təyyarəsini Pakistanın hava məkanında bu ölkənin Hərbi Hava Qüvvələrinin qırıcı təyyarələri qarşılamış və enənədək müşayiət etmişdi.