Rusiya sərhədçilərinin Ermənistanın Türkiyə və İran ilə sərhədlərindən geri çəkiləcəyinə, onların yerini erməni hərbçilərin tutacağı bildirilir.

Bu, baş verəcəyi təqdirdə regionda hansı dəyişklik ola bilər?

Məsələni TNS-ə şərh edən politoloq Fikrət Sadıqov bildirib ki, Ermənistanın Türkiyə və İran sərhədlərində erməni hərbçilər yerləşdiriləcək. Amma Rusiya hərbiçilərinin nəzarət-buraxılış məntəqələrindən tam çəkiləcəyi, sərhəd boyu ərazini tərk edəcəyi hələlik məlum deyil: “Hələ məlumdeyil ki, Rusiya sərhədçiləri öz ölkələrinə qayıdacaq, yoxsa Ermənistan ərazisində qalacaq. Bütün hallarda reallıq odur ki, Rusiya-İran münasibətləri normal vəziyyətdədir, bir sıra məsələlərdə iki ölkənin mövqeyi üst-üstə düşür”.

Politoloq bildirib ki, Ermənistanın İran ilə də münasibətləri normaldır, yəni, Rusiya sərhədçilərinin oradan çıxmasının hazırkı vəziyyətə hər hansı ciddi təsiri olmaz: “Türkiyə-Ermənistan sərhədinə gəlincə, Rusiya sərhədçiləri həmin bölgəni tərk etməyəcək. Ermənistanla Türkiyə arasında diplomatik münasibətlər qurulmayıb. Ona görə də düşünürəm ki, bu məsələlərə aydınlıq gətirilməlidir”.

Ayşən Azadova